財記辣蟹私房菜

Open Now

Now Closed

放工走去銅鑼灣試下呢間朋友介紹的中菜小炒，聽講除左食🦀好出名，D海鮮都幾好食。餐廳燈光明亮，座位寬敞舒適。今次點左四度菜試下。鮮奶蛋白🦐蝦仁 好少見到餐廳會做呢道菜式，我估係因為工序比較麻煩吧。鮮奶蛋白滑溜而不膩，加上大大隻的彈牙蝦仁，撈埋飯真係一流！豉椒炒蜆炒蜆夠鑊氣。有別於街邊大排檔，蜆的size明顯比較大。而且蜆肉肥美，配上惹味豉椒醬汁，愈食愈停不到手。椒鹽鮮魷椒鹽味濃，魷魚肉彈牙，點埋喼汁，鮮味更加激發出來。薑蔥魚雲粥呢鍋粥有豐富的魚頭肉，鍋粥帶有清新薑蔥同鮮嫩的魚肉香味，而且有番咁上下份量，真係抵食超值!