Video
Read full review
2025-01-13
117 views
紅磡廣場附近開咗間黃埔小廚，聽講啲嘢抵食大件有鑊氣，今晚就去試吓舖頭轉咗上條橫街反而環境幽靜，而個Menu就非常多選擇一坐低先送上一碗無味精老火靚湯，起窩心揀咗避風塘炒蟹，蟹走油嘅時候唔過火唔會太乾身，咬落去仲有汁水，調味嘅蒜味辣度都啱啱好，果然係有鑊氣嘅小炒店，第一碟已經有驚喜成日聽人講如果要試一間中菜館嘅水準，試佢嘅咕嚕肉就略知一二。所以我哋揀咗鮮菠蘿咕嚕肉。咕嚕肉嘅粉漿我估應該加咗啤酒去調製，非常非常鬆脆，而肉係揀咗半肥瘦，咬落肥瘦適中唔會太乾。而個汁啱啱好掛哂上啲肉度，食到後段個皮都仲係脆嘅，呢碟咕嚕肉合格有餘最後揀多個蠔仔肉碎粥，蠔仔份量多又飽滿，加埋肉碎唐芹冬菇絲大頭菜，口感豐富味道有層次。湯底仲有啖啖嘅大地魚味，非常好食
舖頭轉咗上條橫街反而環境幽靜，而個Menu就非常多選擇
一坐低先送上一碗無味精老火靚湯，起窩心
揀咗避風塘炒蟹，蟹走油嘅時候唔過火唔會太乾身，咬落去仲有汁水，調味嘅蒜味辣度都啱啱好，果然係有鑊氣嘅小炒店，第一碟已經有驚喜
成日聽人講如果要試一間中菜館嘅水準，試佢嘅咕嚕肉就略知一二。所以我哋揀咗鮮菠蘿咕嚕肉。咕嚕肉嘅粉漿我估應該加咗啤酒去調製，非常非常鬆脆，而肉係揀咗半肥瘦，咬落肥瘦適中唔會太乾。而個汁啱啱好掛哂上啲肉度，食到後段個皮都仲係脆嘅，呢碟咕嚕肉合格有餘
最後揀多個蠔仔肉碎粥，蠔仔份量多又飽滿，加埋肉碎唐芹冬菇絲大頭菜，口感豐富味道有層次。湯底仲有啖啖嘅大地魚味，非常好食
Post
