Video
Read full review
2012-04-28
63 views
4月23號晚上係達明一派o既last show. 我地一班fans早就買哂飛, 相當期待! 去紅館睇show之前, 我地一行人其中三個約好o左o係佐敦附近先食晚飯. 有朋友o係呢區工作, 佢話呢間「軍記」o既小菜好好味, 又就我地腳, 於是二話不說, 由佐敦地鐵站快步o黎呢度開餐.呢度地方舖位唔算大, 要開埋隔離近後巷o既路天空間至可以擺多幾張檯俾食客. 我地三個人揀o左露天位, 務求係一個鐘之內食飽兼趕得切去紅館會合其他老友記睇show. 朋友話呢度以小菜同煲仔菜馳名, 我地亦唔諗咁多, 快快哎o左4個小菜加飯同飲品醫肚. 食o左的乜? 立即去片:第一味上檯o既係呢度o既招牌菜 “風沙雞” (半隻, 見上圖). 見到係雞髀部份, 油水同蒜蓉都足夠, 應該無問題啦. 食落口, 覺得只係o岩o左一大半 - 佢皮脆, 肉嫩, 外面冇炸過龍, 鹹道適中, 蒜蓉亦炸得金黃剔透好好味 - 唯獨係食到o的雞髀肉有o的乾身. 油泡o既原意係要做到外皮酥脆又鎖住肉汁, 而呢隻風沙雞, 做好o左外面而裡面做過o左火, 冇o左應有o既濕潤. 頗為失望. 10分為滿分, 佢囉到7分.“腐乳通菜炒肉片” (
呢度地方舖位唔算大, 要開埋隔離近後巷o既路天空間至可以擺多幾張檯俾食客. 我地三個人揀o左露天位, 務求係一個鐘之內食飽兼趕得切去紅館會合其他老友記睇show. 朋友話呢度以小菜同煲仔菜馳名, 我地亦唔諗咁多, 快快哎o左4個小菜加飯同飲品醫肚. 食o左的乜? 立即去片:
第一味上檯o既係呢度o既招牌菜 “風沙雞” (半隻, 見上圖). 見到係雞髀部份, 油水同蒜蓉都足夠, 應該無問題啦. 食落口, 覺得只係o岩o左一大半 - 佢皮脆, 肉嫩, 外面冇炸過龍, 鹹道適中, 蒜蓉亦炸得金黃剔透好好味 - 唯獨係食到o的雞髀肉有o的乾身. 油泡o既原意係要做到外皮酥脆又鎖住肉汁, 而呢隻風沙雞, 做好o左外面而裡面做過o左火, 冇o左應有o既濕潤. 頗為失望. 10分為滿分, 佢囉到7分.
“腐乳通菜炒肉片” (見上圖): 睇落平平無奇, 食落原來有驚喜 - 肉片大塊, 炒得嫩滑; 通菜走光多餘水份, 炒得夠透, 無話水汪汪; 腐乳o既味道唔算好突出, 份量爭o左少少. 所以除o左腐乳可以再多一o的之外, 呢度菜無論材料、份量同鑊氣都做得o岩o岩好, 我地3人都相當滿意. 9分!
“咕嚕肉” (見上圖): 同樣係食落至感受到真功夫o既一道菜. o的炸豬肉外皮酥脆軟熟, 並無炸過龍乾到脆卜卜o既難食情況; 包o係裡面o既豬肉好豐厚, 夠腍身, 真正啖啖肉 ; 個甜酸汁o既味道做得好平均, 並無偏埋一邊. 呢味菜使我平時受盡九流咕嚕肉o既怨氣全消, 可以好好咁享受咕嚕肉o既真正美味! 10分.
“麻辣魚香茄子田雞腿煲” (見上圖): 上檯時熱辣辣香噴噴. 田雞髀油泡得恰到好處, 夠晒juicy; 茄子煮得夠腍夠入味, 魚香味充足; 麻辣度屬於小辣, 兩種味道都完全食到同感受到, 絕不取巧. 我滿意佢只係小辣, 因為若果我要食真正o既噴火麻辣, 我大可以到地道o既四川菜館. 呢個菜o既小麻辣, 能夠同其他o既材料完全配合, 使佢既味道邁進到另一個新層次同新感受. 我好欣賞呢味菜, 可以話係全晚最滿意o既收穫, 送飯一流! 10分滿分. 總結: 4個小菜連白飯同啤酒汽水, 每人都只係HK$120左右. 除o左 ”風沙雞” 稍為遜色之外, 所有o既菜式都好夠鑊氣同好夠水準, 顯出廚房o既功架. 我同我o既朋友都好滿意呢餐, 仲講明一定有下次.
Post
