黃埔小廚

Open Now

Now Closed

今日去紅磡探朋友，晚上和他們食晚飯，朋友帶我去一間有大排檔風味的餐館，店面不是很大，主打夠鑊氣，而且都幾多人客。菠蘿咕嚕肉，看似沒有太特別，但一口咬下，和以前食的咕嚕肉完全不同，炸皮相當鬆脆，處理方法與其他的不同，十分好食，鮮菠蘿再煎一下，顯得更香甜解膩。雙冬羊腩煲，好大煲，夠份量，好多羊腩，傳統口味，配料豐富，冬菇、筍、支竹、馬蹄等等，南乳腐乳炆，夠濃郁，還有一大碟生菜。芝麻雞，賣相超靚，之前未食過，雞皮上舖滿芝麻，入口陣陣芝麻香味，但不會搶了雞的香味，口感一流，皮香肉嫩。三弄蝦球，三種不同做法，黃金蝦球、咕嚕蝦球、柚子蝦球，色彩吸引，好有心思，外皮酥脆，球球好大隻，又爽口彈牙，各種味道都好食，尤其是柚子蝦球更正。潮州蠔仔粥，沒想過是那麼大鍋，蠔仔都好多，加上魚干提味，好惹味，但不會太咸，恰到好處。美極蜜汁煎封白鱔，白鱔相當新鮮，肉質緊緻彈牙，煎封後有些脆感，略帶微甜，好好味，連墊底的薯粒都好惹味。