La Casa Burger & Pasta (文咸東街) (Closed)

今日在上環工作，完成後路過這間美式漢堡小店，黃色好sharp的外牆，牆身大大的「say cheese」頗為吸睛，細細間有bar枱幾chill幾relax。餐牌上選擇夠多，除咗各款漢堡外，還有意粉供應，迎合不同客人的需要。 西冷黑松露水牛芝士漢堡 $89+$18 薯條配茄汁 配可樂 半溶芝士多到接近滿瀉，混合了黑松露醬，漢堡入面不是漢堡扒而是一片片的西冷牛肉又幾特別，牛肉味濃，牛汁加上洋蔥的甜味，底層是生菜、蘑菇、青瓜，口感相當豐富，好食！ 薯條是仿效美式製法，將薯仔連皮切條去炸，外層炸至金黃，內禮的薯仔軟綿綿熱辣辣，點上茄汁，停唔到口。 意式肉丸意粉 $72+$18 原味雞翼2隻 配雀巢檸檬茶 這個意粉是驚喜之作！本身對肉丸意粉期望不太高，上桌時見到意粉表面灑滿蒜蓉粒，作為蒜蓉控的我表示驚喜，肉丸牛味濃，以茄汁、蕃茄再加上橄欖油混合的意粉醬，灑上香草，好食！讚！雞翼炸至外皮香脆，但仍然保留了肉汁，咬落嫩滑多汁，不錯。