SP Flower & Tea Room (太古城中心) (Closed)

上星期六，為左同朋友開bridal shower party，買左呢間蛋糕。由於某啲問題，時間非常倉猝，又想買一個令準新娘難忘嘅蛋糕，又冇咩時間。我地買現成蛋糕，除左大型連鎖蛋糕店，就冇咩選擇。而我相信冇人會買連鎖餅店嘅蛋糕黎做bridal shower 蛋糕。好好彩，比我記得有呢間餅店咁，睇相啲蛋糕真係好靚。早上打電話比間鋪頭，問佢有咩蛋糕，店員好有禮貌咁話下午一點蛋糕會齊啲。咁就更加好，唔洗咁趕。一去到間鋪頭，見到啲蛋糕，心諗:原來真係咁靚，今次新娘實會有鍾意。不過我有選擇困難症，諗左好耐都未決定到買邊個，另外位姊妹又未到。不過諗下，呢啲蛋糕係緊越誇張越好。終於，就揀左呢個SP blossom，仲可以免費寫名牌。店員都好nice 呀!新娘同各位姊妹都表示驚喜，覺得蛋糕好靚😍到食嘅時候切開都好靚，同埋都好味。唔係得個樣入面就藥水味。仲有一個小驚喜，就係蛋糕上啲花係用左真花架，蛋糕入面有個位裝住啲水養住佢。真係好用心，好精緻。