Lucy's Cup (Closed)

行過呢間手搖飲品店，門面裝修非常有少女心，見到有多款飲品，啲飲品名又夠特別，忍唔住入去試！最吸引到我一定係呢杯「草莓星球」，賣相夠晒pink pink好靚，仔細睇仲有粒粒星形啫喱，夠晒夢幻！原來入面有草莓、芝士奶蓋、鮮奶、爆珠、啫哩，仲有草莓肉，飲落去口感夠晒豐富，一時飲到爆珠一時飲到啫喱，酸酸甜甜好好味又唔會好漏！「熱黑糖珍珠鮮奶」珍珠非常煙韌好好咬，配埋熱鮮奶，冬天飲夠晒暖笠笠。如果要消暑解渴，一定要飲返杯「西瓜沙冰」甜度剛好，仲要大大杯添！