The Galley by Cafe Proud Wings (Closed)

平時聽就聽過d朋友去呢間飛機艙主題餐題食，今次決定親自過黎感受一下，呢餐飯坐係一個好似機艙的餐廳入面食飯，令人感覺好似即將離港渡假，好享受。我地兩個人叫咗個business class set dinner西班牙蒜片蝦真係好多蒜片，蝦有兩大隻，食完蝦可以食埋小小蒜片，因為真係炸得幾香口。煙三文魚凱撒沙律三文魚都比得算慷慨，沙律係正常發揮。黑松露野菌忌廉湯好香濃的黑松露味道，有驚喜！燒美國牛小扒煎得幾入味，外層成熟入面半生，幾有咬口，牛小扒半肥瘦，食落有小小牛的油脂香，加埋炸咗的薯角肉，幾配。燒虎蝦龍蝦汁意粉有四隻好大的虎蝦，肉質結實有口感。龍蝦汁煮得入味，融入意粉當中，意粉都幾彈牙，整體都不錯。甜品係朱古力蛋糕，鬆軟可口。