Purple Cafe (Closed)

鄰近太子地鐵站，經過就比門口吸引了，薰衣草色都係我喜歡既顏色之一💜入到店內就更驚喜，門口有張充滿少女味既波波椅，牆上掛左Q板藝術畫，天花板吊滿假薰衣草營造仙境氛圍，環境真係無得輸👍✦ 黑松露忌廉意粉 💰128意粉係寛條麵，唔太淋或硬，煮到岩岩好👍配上香噴噴芝士粉，入口再有黑松露味道既衝擊，係美味之選😋如果多少少菇就更好啦。✦ 蟹柳蟹籽意粉 💰98都係軟硬度適中既寛條麵，雖然係好creamy既忌廉白汁，但一d都唔重口味喎！配埋紫菜同鯛魚乾片都幾特別喎😉蟹柳比例如果多少少就perfect la！✦ 雪燕咖啡 💰68咖啡加上燕窩，平凡得黎帶有內涵同貴氣，老板絕無將貨就價，差唔多每啖都有燕窩👍賣相雖然比蔚藍星空雪無咁搶眼，但勝左實而不華。✦ 蔚藍星空雪 💰45一睇個名咁夢幻就諗都唔諗叫左黎試。果然賣相同名一樣咁fancy, 近似tiffany blue加上雪山cream, 有種冰島blue lagoon嘅感覺😍原來係椰奶冰沙，甜度適中，啱晒鍾意甜野但又怕肥嘅我🤣