竹面譜

Open Now

Now Closed

之前見到《竹面譜》呢間街坊親民小店竟然有A5和牛同花膠！好吸引，今晚我哋都嚟食啦！我哋叫咗好多嘢食，樣樣都好好食，價錢親民，性價比高，今餐好滿足😋.〈夢王A5和牛丼〉呢度主打菜之一，夢王蛋可以配溫泉蛋、溏心蛋、太陽蛋或生食蛋。難得嚟食夢王，我哋一於試咗生食蛋！.A5和牛有6片，真係好腍好嫩滑呀🤩夢王蛋黃好香濃，再配埋特製醬油撈埋一齊食，真係好好食，送飯一流！.〈鮑汁冬菇花膠鍋〉個湯好濃，但唔咸，幾好飲花膠有6條、冬菇有4片，全部都煮到爽滑彈牙、好入味👍🏻配埋時菜及麵，呢個鍋好豐富呀！.我哋另加〈夢王蛋（太陽蛋）〉太陽蛋煎得好靚，好濃蛋味，送飯或淨食都好正。.另外我哋叫了幾款小食，呢度嘅炸物都好高質！〈炸墨魚餅+炸鮮奶卷〉雙拼.炸墨魚餅 —好香，肉質好厚身又彈牙，食到粒粒墨魚肉。配泰式酸辣醬好好食😋.炸鮮奶卷 —好鬆脆，入面滿滿鮮奶，甜甜地好好味，一食就停唔到口😆.炸韮菜餃 —炸韮菜餃都係呢度招牌菜，每粒都超大粒呀！皮炸到好脆，餡好足料又多汁，韮菜同豬肉嘅比例平均，好食👍🏻.最後叫咗支清心茶，微甜，甜度好適中，清熱解膩一流。