Video
Read full review
2019-10-21
4116 views
今晚，友人有啲旅行難題想傾傾，索性不如食番餐，順便聚一聚。3年前曾到訪過蜆殼街嘅「16 Shell」，當時嘅評語喺有讚有彈，但服務嘅印象就非常好，唔知今次再訪，質素有無提升到！印象中，環境就好似無咩點變，但感覺依然新簇。簡約嘅佈置，一室深啡襯白，配以柔和燈光，牆身上有唔少食物相關嘅剪影裝飾，添幾分藝術味。Mojito $75開始入秋，天氣都涼咗，所以友人喜歡涼涼嘅感覺，就揀咗以冧酒、薄荷葉、鮮青檸及梳打混合而成嘅Mojito，一身清爽嘅外觀，入口涼涼清新，配濃味、芝士嘅食物非常夾。Pink Guava $45小弟就揀杯蕃石榴汁，因為，平常都較少飲，而且，蕃石榴嘅味道本身都幾特別。黑炭黑蒜蓉包 $70呢個黑蒜包喺餐廳嘅招牌，一客賣到$70，感覺有點貴，但雖知黑蒜本身價錢都唔平，佢喺發酵過嘅蒜頭，網上摷摷就知有幾好，如抗氧化。除咗加入黑炭成份，令其成為外觀黑色，其實黑蒜味又唔會話特別得好交關，但整體都好香脆，蒜味亦好突出。蒜蓉香椒白酒牛油汁煮蜆 $130睇番個店名「16 Shell」，有個錯覺「蜆」喺另一招牌菜，其實唔喺，但點都好，都想試試其白酒牛油汁煮蜆。上枱時真喺有陣陣酒香，而蜆隻都算
印象中，環境就好似無咩點變，但感覺依然新簇。簡約嘅佈置，一室深啡襯白，配以柔和燈光，牆身上有唔少食物相關嘅剪影裝飾，添幾分藝術味。
Mojito $75開始入秋，天氣都涼咗，所以友人喜歡涼涼嘅感覺，就揀咗以冧酒、薄荷葉、鮮青檸及梳打混合而成嘅Mojito，一身清爽嘅外觀，入口涼涼清新，配濃味、芝士嘅食物非常夾。
Pink Guava $45小弟就揀杯蕃石榴汁，因為，平常都較少飲，而且，蕃石榴嘅味道本身都幾特別。
黑炭黑蒜蓉包 $70呢個黑蒜包喺餐廳嘅招牌，一客賣到$70，感覺有點貴，但雖知黑蒜本身價錢都唔平，佢喺發酵過嘅蒜頭，網上摷摷就知有幾好，如抗氧化。除咗加入黑炭成份，令其成為外觀黑色，其實黑蒜味又唔會話特別得好交關，但整體都好香脆，蒜味亦好突出。
蒜蓉香椒白酒牛油汁煮蜆 $130睇番個店名「16 Shell」，有個錯覺「蜆」喺另一招牌菜，其實唔喺，但點都好，都想試試其白酒牛油汁煮蜆。上枱時真喺有陣陣酒香，而蜆隻都算喺大隻厚肉，飽滿鮮甜，最緊要喺無沙，亦帶淡淡蒜蓉及牛油香。搵啲黑蒜包沾埋啲汁，好食，唔好嘥。
蒜蓉香椒白酒牛油汁煮蜆
$130
43 views
0 likes
0 comments
酥皮黑松露比薩批 $160見唔少客都有點薄餅，而以酥皮做餅底，加上以方形製作，都幾特別。個餅底焗得好酥香，裡面夾有好多黑松露醬，所以，黑松露嘅幽香味好搶，除灑上勁多芝士外，仲混有好多燈籠椒晌裡面，確喺比預期好食。
香煎欖油大蒜、白酒汁大蝦扁意粉 $180另一道主菜就揀咗扁意粉，因為，佢哋啲意粉都幾出色。其實，單睇呢碟扁意粉嘅賣相感覺都幾得，啲蝦好大隻，入口唔喺得個樣，爽口而有蝦鮮味；意粉亦做到煙韌有咬口，無煮過籠，更喺好香。
時隔幾年再訪，所嚐嘅幾道菜都做得有水準，亦無咩甩漏或出現問題，招呼方面亦好到位，上菜速度啱啱好。可惜無咩套餐或飲品加配優惠……之類，故平均消費會稍微高。
Post
