圓鐵板燒 (Closed)

我好鍾意食鐵板燒，好鍾意睇住師傅係面前整野食，奈何鐵板燒呢D高級野唔係我呢D草民成日可以食到。有冇平民版頂下癮呀？有～ＭＯＫＯ既ＦＯＯＴＣＯＵＲＴ入面有間平民版既鐵板燒，試試佢！其實我都食過好多間ＦＯＯＴＣＯＵＲＴ內既鐵板燒。睇返個餐牌，竟然冇左以前最抵食既牛／豬套餐，不過黎到啦，照食囉。我地叫左豬柳同雞扒餐，包炒菜，湯，飯。睇住師傅炒菜啦，睇佢炒幾多，但上到我地枱，淨係分左好少比我地！真係大打折扣。豬柳，都炒得幾香既，不過口感就柴左少少。雞扒，一樣用黑椒汁，不過不失啦。由於佢既份量真係少到誇張，我地只好再加多份２５蚊既豆腐，豆腐整得都唔錯既。總括黎講呢間鐵板燒既大不如前，完全唔抵食，沒有下次了。