靚靚麵工房 (Closed)

8/1 夜晚同個朋友食左野先番學, 太耐冇食過呢間啦, 特登過尖東食車仔麵, 我地叫左酸齋墨丸米線, 豬腸雞翼尖墨魚餅烏東, 5:00後飲品冇得送只得半價優惠, 我地叫左蜂蜜綠茶, 真係估唔到咁耐冇食, 啲水準差左好多, 同以前比簡直冇得比呀! 墨魚餅竟然係凍上囉, 感覺怪怪, 真係冰凍果隻喎! 其他料都ok既...再講埋杯野飲, 啲冰水多過綠茶囉,都唔係成杯都係蜂蜜綠茶!埋單都要成$37蚊位, 一個車仔麵咋喎, 都要咁貴, 因為佢啲餸同料係每樣計錢, 野飲雖然話半價, 但原價一杯蜂蜜綠茶都要成$14, 半價都要$7, 我寧願唔飲食完去7-11買好過!