8度餐廳

三年前同家人一齊去，當時熱食、冷盤、甜品等等，各款食物品質方面都令人相當滿意。今次再去除咗餐廳環境同個招牌keep到一樣之外， 服務與品質都面目全非，大不如前！今次係網上提早預訂，被安排坐在一個角落位置，係一張四人枱，而窄到如果要有人行出嚟，另一個人係必須起身讓位嗰一種。 先到場嘅老人家已為此表達不滿，但比店員‘’大‘’返轉頭，話一早預訂就係安排呢個位置，仲話‘’方便‘’老人家，實情場內有其他丟空4人枱，到離場時都冇客入座。熱食食物款式，如果要形容，係三餸飯店可以搵到嘅選擇同味道，大家可以想像一下；冷盤有無味螺、殼大肉細＆霉嘅長腳蟹；甜品方面最強嘅芒果拿破菕都退步了。由於同家人飯聚，今次冇放肆地影好多張相，純粹作此紀錄。 食完飯網上見到此餐廳推廣告，講緊做大力減價優惠， 如果對食物品質係有一定要求，奉勸唔好錯誤選擇。