為食恐龍‧恐龍先生

Open Now

Now Closed

香港真係冇乜親子餐廳以恐龍為主題，上網睇到呢間為食恐龍好得意😍 於是星期六專登帶小朋友一齊又食又玩🤗🤗🤗  黑松露蘑菇牛油果pizza黑松露嘅pizza食得多，但係配上牛油果就第一次， 呢個配搭能增添飽足感， 而且令到pizza有多一種軟糯嘅口感👍 配上薄底pizza又香又脆👍 口感豐富🥰 焗秘製茄汁香腸長通粉茄汁味濃厚， 仲食到啖啖青椒味， 焗咗之後長通粉特別掛汁， 容易入口， 小朋友特別鍾意食😋 恐龍仔仔兒童餐恐龍餐具已經夠吸睛😍 非常可愛✨ 兒童餐有齊野菌白汁意粉， 兒童至愛薯條伴炸雞，仲有少量水果及迷你瑞士卷👍 最後到甜品放題🤗🤗🤗白堊紀熔岩火山朱古力及抹茶一次叫曬兩個口味， 外型靚唔在講， 食落仲好好味😋 一切開火山， 大量朱古力醬和綠茶醬爆漿， 就好似火山爆發👍 好有意境✨ 火山底部係一個酥皮麵包， 酥皮麵包質感好，酥脆得嚟裏面係軟淋淋👍 Tiramisu兒童版tiramisu， 完全冇酒精🤗 朱古力心太軟小朋友表示最愛嘅甜品， 朱古力味好香濃😍 為食恐龍好適合一家大細嚟， 環境寬敞，有大量兒童玩具， 大人遊戲， 真係玩一個下晝都玩唔完🤗 喺呢度用餐係一個好童真好愉快嘅體驗