九丁目日本料理

Open Now

Now Closed

位於元朗嘅西菁街出名食肆多， 呢一間《九丁目》主打日本野， 價錢貼近大眾， 一家大細嚟食就最適合不過。餐廳有分戶外同埋室內座位，唔熱嘅時候坐出面飲番杯啤酒也不錯。《燒鱈魚乾》可謂佐酒恩物，燒香嘅鱈魚乾脆卜卜，加上咗七味粉， 食落更加惹味， 點埋bb沙律醬， 同埋一杯生啤，夠曬Gur。呢個《火山丼》刺身丼飯夠曬足料，$168 就有齊貴價海膽以及三文魚籽， 仲有蟹籽、三文魚、油甘魚甜蛋等材料， 感覺豐富， 用料亦同樣新鮮。《七味天鳥唐揚》$48， 唐揚即係炸物， 估唔到呢一個炸雞件看似平平無奇， 一咬下才發現雞肉嫩滑多汁， 意想不到。《 牛肉壽喜燒》$108， 以這個價錢有相當多的肥牛， 算是相當超值， 壽喜燒嘅湯底甜甜地， 加埋牛肉落去， 大火滾完之後甜味層次更豐富， 加上有大量嘅蔬菜墊底， 肉同菜嘅比例適中， 加埋滑蛋落去， 如果可以加碗白飯就更加美味。見到在咗吸引咗唔少一家大細嚟幫襯， 食物方面無論大人細路都啱食， 價錢亦相當合理， 住附近嘅朋友不妨試下。