喜喜小廚 (Closed)

一行三人到此聞名燒味既餐廳食lunch，碰巧係午飯時間，灣仔既餐廳無不人頭湧湧，門口大排長龍，呢度都唔例外。一入到餐廳，門口玄關位好窄，入面既亦排得密密麻麻，食客背貼背甘坐。幸好餐廳用了落地玻璃，除了減少擠迫感覺，亦令餐廳內部光猛。坐低後，先發覺我地既位置係走廊位，都幾危險下，因為上餐既員工都係係我地背後"攝"過，佢地一個不留神，我地真係會由頭濕到落腳。但無辦法，灣仔既午市，到到都係甘，只好期望呢餐食得平安，同埋期待好食既燒味compensate返。 我當然係試鎮店之寶 --- 燒味，叉燒燒鵝飯 ，朋友們點了燒肉燒鵝飯 & 碟頭飯 --- 豆腐燒腩飯。見朋友既燒肉燒鵝飯既燒肉好大塊，送多過飯，但我既叉燒燒鵝飯，飯同送既比例就無甘誇張。 叉燒燒鵝飯：燒鵝同叉燒既味道唔錯，唔知係唔係多數比鵝，因為我無特別要求都比左我，而叉燒偏瘦，亦燒到好，有兩舊直情到食唔到，但叉燒肉質幾爽；而飯既份量對我黎講係偏多，份量拍得住大家樂！但個最重要既燒味汁就做得麻麻。總括而言：鎮店之寶無坊間吹捧既咁amazing。只知有好多酒樓同樣做叉燒比呢度好，加上服務態度一般，都係試過下就算…