Video
Read full review
2023-08-24
126 views
呢間龍城冰室旺過旺角，窗口仔賣麵包長期有人買緊，堂食常滿，所以成日外賣；今日趕住食完飯上堂，乖乖排隊入座，好彩都勁快有位😎晚餐有呢個齊集我至愛，唔使點諗lu⋯⋯芝士蝦球燴伊麵伴西蘭花 $98一碟伊麵，有芝士西蘭花及芝士蝦球，大廚炮製呢個組合真好！唔好睇少呢個平民版芝士蝦球伊麵，蝦球堅大粒，隻隻蝦都手指公咁粗壯的！🤣🤣超級啖啖肉。同埋d蝦已經醃咗味，加埋芝士汁，香噴噴，夠惹味。而且芝士汁絕對對板，撈伊麵真係一流，好好食呀。平時食飯見到芝士焗西蘭花都會嗌，今次嘅芝士西蘭花雖然無焗過，但西蘭花點芝士汁，都係咁正！推介丫。羅宋湯呢個紅湯好飲喎！一嚟足料煲、二嚟無溝到水汪汪，堅香濃，連d煲湯料都食哂，乾了！哈哈....熱檸茶茶底清新，唔會澀，檸檬片又夠多，呢度果然出手豪爽，野食大大碟，麵包大大個，野飲都大大杯，性價比超高呢～
呢間龍城冰室旺過旺角，窗口仔賣麵包長期有人買緊，堂食常滿，所以成日外賣；今日趕住食完飯上堂，乖乖排隊入座，好彩都勁快有位😎
晚餐有呢個齊集我至愛，唔使點諗lu⋯⋯
芝士蝦球燴伊麵伴西蘭花 $98
一碟伊麵，有芝士西蘭花及芝士蝦球，大廚炮製呢個組合真好！
唔好睇少呢個平民版芝士蝦球伊麵，蝦球堅大粒，隻隻蝦都手指公咁粗壯的！🤣🤣超級啖啖肉。同埋d蝦已經醃咗味，加埋芝士汁，香噴噴，夠惹味。而且芝士汁絕對對板，撈伊麵真係一流，好好食呀。
平時食飯見到芝士焗西蘭花都會嗌，今次嘅芝士西蘭花雖然無焗過，但西蘭花點芝士汁，都係咁正！推介丫。
羅宋湯
呢個紅湯好飲喎！一嚟足料煲、二嚟無溝到水汪汪，堅香濃，連d煲湯料都食哂，乾了！哈哈....
熱檸茶
茶底清新，唔會澀，檸檬片又夠多，呢度果然出手豪爽，野食大大碟，麵包大大個，野飲都大大杯，性價比超高呢～
Post
