Bulldog Hotdog (廣福道) (Moved) New Location

Bulldog嘅熱狗係熱狗界出晒名，應該冇人唔識㗎啦！早排同同事收工打羽毛球，打完羽毛球就去咗呢間熱狗店食嘢，又真係唔錯喎！要咗個招牌熱狗試吓 $60本身覺得價錢有少少貴，但嚟到都見到好大件好長，女仔應該可以兩個人share都夠飽。招牌熱狗最特別係上面有啲薯片，好惹味。自家製辣牛肉醬好好食，上面再配上酸忌廉芝士醬，兩樣加埋好夾味。腸仔腸得好誇張直頭長過包，用料方面舖頭一啲都唔孤寒。好好食呀難怪同事成日行咁遠都要過嚟。