炊豕店 (加路連山道) (Closed)

依間賣炸豬扒賣到出曬名，難得今次經過無咩人等，當然要試吓啦！蔥油豬扒飯係佢哋嘅招牌菜，差唔多台台都有人食，豬扒係大到可以遮蓋曬啲飯，厚身得黎又唔會太乾，的確係大件夾抵食。不過蔥油就有啲失望，唔夠蔥香同埋鹹左啲。另一位朋友就驚熱氣，叫左叉粒豆角蔥花炒滑蛋飯。可以試佢嘅叉粒豆角蔥花炒滑蛋飯，叉燒同豆角粒都幾足料，不過就普普通通，無咩驚喜同特別，個人覺得炸豬扒飯抵食同吸引好多。