鳳城酒家 (Closed)

早幾日小鮮肉老公帶左本人妻同兩位長老們一齊去左黃埔附近一間叫鳳城酒家嘅酒樓食晚市 😆佢話呢度d餸除左好食之外 ，唔洗叫好多都會好飽肚 既然咁抵食 ，我就試試叫個3餸1湯！💕四個人食會唔會飽肚先😊首先有酸蘿蔔開胃呢間酒家一至四堂剪乳豬做特價 💕所以叫左半隻試試 ，一黎到職員真係會起你面前好整齊咁剪到靚靚放起面前 ，本人妻心諗噱頭野姐 ，一早燒好放起你面前再剪 🤫有咩特別呀 ！如果真係咁諗就真係少年你太年輕喇 ！因為佢地送上枱嘅乳豬唔同我地平日去飲凍曬嘅豬 ，本人妻覺得係即叫即燒嘅乳豬黎嫁 ，非常熱 、皮脆肉嫩 、點埋個乳豬醬加砂糖食 ，兩位長老都讚好 ❤️之後到場嘅係蟹肉冬茸羹 ，呢個係小鮮肉點名要叫嘅 ，佢話上次同朋友黎飲完都讚不絕口 ！經過頭先隻乳豬咁好食 ，今次本人妻絕冇質疑小鮮肉嘅推介， 一煲羹四個人大約可分到兩至三碗 ，望落去好多蟹肉起面同成碗都係冬瓜茸黎 ！非常非常足料 ，大家都安靜咁默默飲完一碗再一碗 ！真係好味到冇野好講 ，好快大家就將成煲羹飲曬 ！最後到今晚嘅主角登場 ，呢個餸係兩位長老指名要點嘅鳳城名菜 ，煎釀鯪魚 ！呢個菜式雖然係用料普通 ，但係做法好刁鑽 ，先將魚肉