相馬日式火鍋 (Closed)

今餐有口福了，家姐請食飯，仲要係任食大閘蟹海鮮火鍋放題（$408/位）🥳相馬日式火鍋（西環）空間感大，裝修別致有格調，掛咗唔少工業風燈泡做裝飾。大閘蟹雖然任食，但斤兩十足絕無嬉場🤩臂壯膏肥，肉滑清甜，同家姐食到停唔到口！湯底有得免費升級做胡椒雞湯，咁我哋梗係冇執輸啦🤣湯頭馨香濃郁，滋補暖胃。推薦大家再落埋雞腿肉，肉味同雞湯相輔相成，鮮香無比，肉質軟嫩又juicy。順帶一提，餐廳而家做緊加購優惠，凡惠顧大閘蟹海鮮火鍋放題，即可享用$10/3支Hoegaarden Rosee (250ml)。咁抵，我當然唔會錯過😝飲落一啲都唔苦，甜甜哋易入口又清爽，好適合女士～