LM Cafe (Closed)

大件又抵食今日同女朋友行完觀塘就搵下有咩好野食啦，之後行行下就見到依家LM Cafe，原來係龍門冰室既高級版。點解咁講？因為座位同環境都好d，而且野食又正d👍🏻我同女朋友就分別叫左爵士西冷拼香草腸同all day breakfast，餐係跟野飲，湯同沙律。餐湯係羅宋湯，飲落個味幾濃有少少酸，岩哂用黎開胃😋西冷扒有兩大塊，食落肉質幾好，有d咬口但又唔會太韌，岩岩好😋👍🏻配上龍蝦汁，鮮味同肉味一齊黎😘再加上大大份薯菜，簡直就係男士天堂女朋友既all day breakfast都一樣咁大份。有茄汁豆，煙三文魚，烤大啡菇，薯餅，腸同炒蛋等等。炒蛋就滑，食落feel到有牛油味👍🏻大啡菇焗得岩岩好，夠哂juicy 😋🤤小食我地就叫左個蜜糖雞翼。即叫即整，一出都黎勁熱。味道岩岩好唔會太甜👍🏻最後我地仲叫左個waffle做甜品收尾。waffle都係即叫即做，再配埋雪糕一齊食，冷熱即感覺實在太正😍整體黎講，LM cafe雖然價錢係比出面既冰室貴，但環境好同坐得舒服，而味道唔錯，份量又足。有機會一定再黎🤩