炊豕店 (威靈頓街) (Closed)

今日同一個喺中環返工嘅朋友去佢公司附近食咗呢間，聽佢講呢間平時都幾多人排隊，所以趁晚市未多人就食下。餐廳行文青懷舊風，d佈置有種年代感。睇咗OpenRice推介，自己就點左沖繩豬軟骨撈幼麵。一見到碗麵嚇親😱超大碗。成碗麵材料好豐富，有小棠菜、蘿蔔、滷蛋、蓮藕、蔥、炸蒜等等。撈埋炸蒜同葱令每一啖幼麵都好好食，個麵都好入面，係食到底嘅時候有少少咸。另外個豬軟骨炆到好腍呀。朋友點咗秘製豬扒飯，又係勁大塊同埋好腍同多汁。都幾厚肉另外再叫咗個肉燥凍豆腐，上面落咗碎蒜同木魚絲。豆腐軟滑，配埋肉燥汁食好夠味。加飲品唔算好貴