聯盛宴

Open Now

Now Closed

同屋企人做節，已經好耐冇試過咁齊人一齊食晚飯啦！好開心～我哋一早就已經訂咗枱，所以完全唔使等位！為咗方便起見，我哋雖然只係有10個人，但係我哋都叫咗一個12人餐$4433！唔使意見多多，浪費時間！可能因為中秋節關係，酒樓都幾乎滿晒人！當日上菜速度好慢！每一味菜都要等勁耐，由7:00食到10:00幾先食完。一圍12人嘅餐，每一碟都好大碟，其實我哋食到第三碟左右，已經開始有少少飽，跟住每味餸都只係食咗少少咋⋯⋯為咗唔想浪費，我哋拎咗差唔多有成10盒外賣盒走😆，真係名副其實嘅又食又拎! 平時多數都係響度飲茶，今次食晚飯先見識到咩叫大件夾抵食！食物質素部都ok喇！唔太差，亦不會勁正！同價錢成正比。