火五越式牛肉粉專門店 (清風街) (Closed)

帶貓貓去天后睇獸醫，見這間裝修幾骨子，入去食點東西。兩個人叫了兩碗粉，兩個小食和一碟油菜，很正路吧？誰知道全都是大大份，爭啲食唔曬。火五火車頭牛肉粉（$62）有生熟牛肉、和牛牛丸和札肉。很有牛味，份量又多。越式鹹菜腐竹胡椒豬肚湯河（$49）有好多大件豬肚，夠腍。兩碗河粉都份量十足，配菜也多。湯底則較為清淡。建議加枱面的醬料或是酸甜汁，會更好味。小食的意大利黑醋汁蒜蓉牛油雞翼（$38）有5大件，炸得香脆鬆化，尤其那蒜蓉醬好好味。越式炸蝦春卷（$28）的三條長春卷入面全是蝦肉，包唔包生菜都香脆。食完才醒起要加酸甜汁，不過唔加都已好食。好抵食。