Video
Read full review
2024-01-03
66 views
《意粉狂熱 - 旺角》香港而家多左好多西餐廳賣精品咖啡同意大利粉，不過以前無咁多cafe既時候，想食意粉一定係去指定好出名果間食pasta既西餐廳既☺️近呢幾年，如果突然想食意粉的話，我都會選擇到意粉狂熱的，無論係套餐定散叫都好，佢個性價比係超高的，可以話係大件夾抵食呀💁🏻♀️香草烤雞凱撒沙律 $38前菜首先叫咗個烤雞凱撒沙律，入面有車厘茄、生菜、麵包粒同埋大量芝士，配埋個招牌凱撒沙律汁，酸酸甜甜的幾開胃💁🏻♀️軟殼蟹配明太子忌廉鮮製意粉 跟餐配洋蔥湯 $166我就叫咗呢一款新推出嘅軟殼蟹明太子忌廉意粉，如果跟餐嘅話會配埋餐湯同埋餐飲，洋蔥湯味道雖然比唔上傳統嘅法式洋蔥湯，不過佢嘅感覺都接近的，味道稍為偏甜，上面有一片法式麵包同埋芝士，熱辣辣食嘅時候芝士半溶嘅狀態下同個洋蔥湯味道好合拍；我其實幾鍾意佢哋用嘅意粉個質地，煙韌得黎有小麥香，十分掛汁，軟殼蟹用咗製作炸魚薯條嘅粉漿烹調，咬落酥脆又唔會太油膩，隻軟殼蟹都算幾大隻㗎，而個明太子忌廉汁口味濃而且好Creamy，食到大量明太子粒粒，喜歡重口味的話會鍾意呢一個意粉💁🏻♀️溫泉蛋芝士卡邦拿意粉 跟餐配南瓜湯 $126另外Carbonara
香港而家多左好多西餐廳賣精品咖啡同意大利粉，不過以前無咁多cafe既時候，想食意粉一定係去指定好出名果間食pasta既西餐廳既☺️近呢幾年，如果突然想食意粉的話，我都會選擇到意粉狂熱的，無論係套餐定散叫都好，佢個性價比係超高的，可以話係大件夾抵食呀
💁🏻♀️香草烤雞凱撒沙律 $38
前菜首先叫咗個烤雞凱撒沙律，入面有車厘茄、生菜、麵包粒同埋大量芝士，配埋個招牌凱撒沙律汁，酸酸甜甜的幾開胃
💁🏻♀️軟殼蟹配明太子忌廉鮮製意粉 跟餐配洋蔥湯 $166
我就叫咗呢一款新推出嘅軟殼蟹明太子忌廉意粉，如果跟餐嘅話會配埋餐湯同埋餐飲，洋蔥湯味道雖然比唔上傳統嘅法式洋蔥湯，不過佢嘅感覺都接近的，味道稍為偏甜，上面有一片法式麵包同埋芝士，熱辣辣食嘅時候芝士半溶嘅狀態下同個洋蔥湯味道好合拍；我其實幾鍾意佢哋用嘅意粉個質地，煙韌得黎有小麥香，十分掛汁，軟殼蟹用咗製作炸魚薯條嘅粉漿烹調，咬落酥脆又唔會太油膩，隻軟殼蟹都算幾大隻㗎，而個明太子忌廉汁口味濃而且好Creamy，食到大量明太子粒粒，喜歡重口味的話會鍾意呢一個意粉
💁🏻♀️溫泉蛋芝士卡邦拿意粉 跟餐配南瓜湯 $126
另外Carbonara 都係我常叫嘅意粉之一，佢呢度仲加咗一隻流心嘅溫泉蛋喺上面，個汁好有蛋香，而且有芝士同煙肉嘅襯托，食到有多重口感之餘味道仲好有層次，呢一個意粉嘅份量都算多，一個男士食都未必食得晒🤭所以我先至話佢哋嘅意粉大件夾抵食
Post
