饑落亭 (Closed)

今日同朋友去咗大埔聚會 我身為一個foodie 梗係唔會放過一個搵好嘢食嘅機會呀啦我細細個就鍾意食大排檔 貪佢大件夾抵食 以前沙田有一間好出名嘅大排檔 而家搬咗嚟大埔 叫做饑落亭 咁我哋就一齊入去試下首先就叫咗一個咕嚕班球 咕嚕汁整得酸酸甜甜 好開胃 斑球亦都炸得非常之香脆可口 入面嘅魚肉好鮮嫩 值得一讚之後就叫咗一個推介菜式 就係炆倉魚 倉魚係黃立倉嚟嘅 由於小弟都比較鍾意食黃立倉 所以呢一道菜亦都十分之喜歡 倉魚嘅表皮炸過 但係無損魚肉嘅鮮嫩程度 酸菜辣椒等等嘅配料嘅味道亦都充分咁樣滲入去魚肉入面 非常之好食 朋友叫咗個西檸雞 西檸汁整得啱啱好 唔太酸又唔太甜 幾好之後我哋又叫咗一個中式牛柳 味道同出面食到嘅差唔多 但係佢勝在非常之大碟 牛肉都十分之鮮嫩 唔錯唔錯最後有一個炸乳鴿 炸得非常之脆口 而且多肉汁 佢唔同出面食到嘅細bb鴿 呢隻乳鴿都幾大隻 係我細個食到嘅味道呀總而言之呢一餐我哋食得好滿意