牛下合利小廚

Open Now

Now Closed

牛頭角街市大件夾抵食🍚-睇個名都知餐廳係以前牛下既大排檔，雖然進駐左入去熟食中心，但整體個風味都keep到似大排檔喎🤪。-避風塘豆腐($58)辣味幾出，咬入去幾juicy，唔會成啖油。-黑椒茄子脆腩煲🐟($88)脆腩比得多，茄子整得夠淋易入味，整體黑椒味幾重，送飯唔錯。-薯仔牛柳粒🥔($88)鑊氣之選，份量夠曬多，牛肉偏鹹，薯仔外脆內軟。-鍋貼小棠菜🥬($88)唔知大家有冇食過喱味餸，好少有餐廳有得食估唔到佢居然有🤣。雖然佢個名叫小棠菜，但其實菜既比例佔得好少，平時食開既入面都係蝦膠為主，哩到做既係用墨魚膠為主，各有風味啦。一上枱超脆口，超大份送酒一流。