Outback Steakhouse (德福廣場2期) (Closed)

星期日去了德福三期的outback食午餐。平時晚餐閒閒地300百虲蚊一位，周末午餐百幾蚊一set，有湯，有沙律同主菜，而且份量大，都算抵食。上次嗰餐湯係粟米忌廉湯，湯夠滑，香，小朋友飲得津津有味。沙律吾特別，菜唔算特別新鮮，但又未算太乾身。將價就貨，算可以啦。印象最深刻，係餐包，暖粒粒，又鬆軟，一塗上牛油，即溶化，好正！主菜叫了豬扒、意大利飯、豬仔骨，小朋友叫了兒童餐：芝士漢堡包，整體不過不失。豬仔骨燒烤醬不夠，略嫌唔夠味。豬扒烤得比較乾，吃起來有點費力。意大利飯夠creamy同芝士味，好味午餐包嘢飲，另外可以加錢叫走和雪碧汽水，不過唔特別抵。整體係俾晚餐平，想食親民美式嘢，可以午餐試下。