一碗肉燥 (喜薈)

Open Now

Now Closed

疫症前基本上一個星期都會食一次，有時真係等好耐，大家可以試下用guru 拎定飛先。鍾意佢嘅原因好簡單，夠地道，大件夾抵食！今日食咗個麻辣湯麵，自選三餸，仲送滷水蛋同滷肉。我見餐廳每個月都會換唔同嘅餸菜選擇，所以即使我每次都叫呢個麵，次次都可以配搭唔同配料，成日食都唔怕悶。另外佢個麻辣味都好香，又夠麻！（我最怕麻辣湯唔夠麻，淨係得辣）配料唔止得肉嘅，有時會有菜、蛤蜊湯等，不妨揀一兩款重口味嘅配料，再搭返款清淡啲嘅餸解油膩。