小城鎮 (Closed)

星期六晚同老公搭叮叮去北角食晚飯。我地叫左兩個主菜，都加左$48升級做套餐，另外再叫左三樣野食。套餐既酥皮湯同平時既唔同，用上羅宋湯，而唔係忌廉湯，成件事健康左好多，酥皮好香口。慢煮羊腿配薯蓉羊腿肉質好軟腍，帶點好香既羶味，薯蓉綿滑，牛油味重，好多洋蔥、雜菇、椰菜，仲有西蘭花，蔬菜都整得好好食。香煎厚切鵝肝伴紐西蘭牛柳鵝肝肥美，加上黑松露醬更香，牛柳超級厚身，真係啖啖肉，亦有蔬菜伴碟，營養均衡。深海鮮蝦凱撒沙律好大碟，沙律菜新鮮，醬汁幾好味。白酒忌廉燴青口青口數量頗多，唔會好細隻，唔錯。煙三文魚牛油果醬沙沙多士超級足料又好食，正。套餐甜品揀左朱古力曲奇慕絲蛋糕同藍莓芝士蛋糕，我鍾意後者多啲。餐飲揀左百香園水果茶同綿綿朱古力，賣相幾得又好飲。