壹號車仔麵 (Closed)

成日經過呢間車仔麵店都想試一試， 佢門口貼住嘅幾餸麵價錢好吸引，麵類又多，而且仲好多小食。 今日放工終於記得過嚟買個外賣😉。 呢度三餸麵都係38蚊，麵底有八款咁多，另外湯汁亦都有五款，都算多口味。 外賣碗係將湯同埋麵分開嘅，超級大碗，一個麵底應該兩個女仔食都冇問題😂。 ❤ 油麵+ 手工煎鯪魚餅、 手工鮮蝦韭菜雲吞、 蘿蔔+ 香辣汁手工煎鯪魚餅好大塊😮，出面煎得脆脆哋好香口， 而且呢個香辣汁唔會太辣， 但係好惹味。 ❤ 幼麵+ 手工韮菜餃、 鹵水雞翼、 陳皮魚蛋+ 沙嗲汁麵底嚟講自己比較鍾意食幼麵， 比較掛湯同有咬口 ，沙嗲汁好香濃，襯幼麵特別入味。 另外手工韮菜餃嘅餃子皮好薄好似雲吞皮咁樣，容易入口。 鹵水雞翼有兩件，都係超級大隻嘅雞中翼👍。 ❤ 台式牛呢款牛展做得好出色，每一塊牛都砌得好薄但係好大塊，充滿麻辣味，沾上醬汁一口食落去麻香味十足，係好開胃嘅一道小食😋。