Video
Read full review
2023-05-02
1853 views
👍🏻世一海南雞配油飯(包嘢飲/例湯) $47雞肉爽滑厚肉，無骨啖啖肉，雞皮軟腍，雞味好濃加$8轉髀，皮同肉都超肥美海南雞鹹香入味，唔點醬汁都夠味好食🤤油飯黃薑味重，淡淡椰香味，乾身唔油膩，飯粒煙韌雖然未算係我心目中嘅世一，但整體的確唔錯😙圖中為下午茶，份量都唔少，仲包埋嘢飲，性價比好高👍🏻！另外佢地而家做緊開業一週年優惠，非繁忙時段正價餐牌再減$10味道：8/10性價比：9/10-👍🏻土匪雞翼(跟餐加配) +$35/5隻味道唔係好似食開孜然味重個種土匪雞翼，反而有啲似香茅雞翼，醃得入味賣相普普通通，但食落皮脆肉嫩多汁，呢個幾有驚喜😛！味道：8/10性價比：8/10-👍🏻鹹菜胡椒豬肚手撕雞米線(包嘢飲/例湯)(優惠價) $61開業一週年優惠，平日下午茶時段或星期六全日，正價餐牌$71減$10雞湯清清地唔油膩，飲落濃郁有啲啲漿口，微微胡椒味，雞湯鹹香較明顯真係幾好飲又唔頸渴，忍唔住飲晒成碗😛豬肚厚身大舊，質感爽滑彈牙唔韌，食到淡淡胡椒味，乾淨冇異味雞絲就稍為老咗啲，要啲嚼勁咬下鹹菜爽口大塊，唔會過鹹，仲有大量腐皮索湯$61碗米線雖然唔係超平價，但整體大大碗，餸同麵份量都好多，男仔都絕對夠晒
雞肉爽滑厚肉，無骨啖啖肉，雞皮軟腍，雞味好濃
加$8轉髀，皮同肉都超肥美
海南雞鹹香入味，唔點醬汁都夠味好食🤤
油飯黃薑味重，淡淡椰香味，乾身唔油膩，飯粒煙韌
雖然未算係我心目中嘅世一，但整體的確唔錯😙
圖中為下午茶，份量都唔少，仲包埋嘢飲，性價比好高👍🏻！
另外佢地而家做緊開業一週年優惠，非繁忙時段正價餐牌再減$10
味道：8/10
性價比：9/10
-
👍🏻土匪雞翼(跟餐加配) +$35/5隻
味道唔係好似食開孜然味重個種土匪雞翼，反而有啲似香茅雞翼，醃得入味
賣相普普通通，但食落皮脆肉嫩多汁，呢個幾有驚喜😛！
味道：8/10
性價比：8/10
-
👍🏻鹹菜胡椒豬肚手撕雞米線(包嘢飲/例湯)(優惠價) $61
開業一週年優惠，平日下午茶時段或星期六全日，正價餐牌$71減$10
雞湯清清地唔油膩，飲落濃郁有啲啲漿口，微微胡椒味，雞湯鹹香較明顯
真係幾好飲又唔頸渴，忍唔住飲晒成碗😛
豬肚厚身大舊，質感爽滑彈牙唔韌，食到淡淡胡椒味，乾淨冇異味
雞絲就稍為老咗啲，要啲嚼勁咬下
鹹菜爽口大塊，唔會過鹹，仲有大量腐皮索湯
$61碗米線雖然唔係超平價，但整體大大碗，餸同麵份量都好多，男仔都絕對夠晒飽肚，亦可嗌泡飯平$5🤪
味道：8/10
性價比：8/10
-
👍🏻酸菜豬扒飯(包嘢飲/例湯)(優惠價) $54
酸菜湯係呢度招牌，味道想像中偏酸，帶微辣，有大量爽口酸菜
豬扒厚身大塊，輕輕炸過表面微脆，肥瘦均勻，鬆軟入味，咬落仲有少少汁唔乾柴，豬肉味非常香濃😙
不過浸湯難免冇咁脆口，介意浸腍可以叫另上
整體足料大份，性價比高😌
味道：7/10
性價比：9/10
-
📍#魚川居 @deli_fish_hk
九龍灣宏冠道8號金漢工業大廈1樓5-6室
觀塘觀塘道396號毅力工業中心1樓(新鋪)
觀塘開源道54號豐利中心5樓507室(已搬遷)
Post
