木屋大排檔

Open Now

Now Closed

今日去左太和，見一排無食泰菜想試下。本來以為可能要去其他區先有得食，上網search過就決定去木屋。到達餐廳後，餐廳職員好友善咁帶我哋去分配左嘅座位，同時介紹而家做緊咩嘅set menu。我哋叫左個二人餐，再加一個馬拉盞炒通菜，飲品就叫左青檸檬梳打。最先上枱嘅係梳打。飲品杯入面已經有少量青檸檬汁，就泰國入口嘅樽裝梳打倒入去都己已經夠味。當杯入面嘅冰融得七七八八，可以篤下啲青檸。咖哩花甲同蒜蓉包都好快上枱。咖哩香味濃郁，而薯仔都頗為入味。更難得係薯仔係焗/炸過，入口唔會淋哂。蒜蓉包有驚喜，熱之餘夠香脆，包上面蒜蓉醬更令人回味無窮。之後送上嘅係馬拉盞炒通菜。有別於一般泰式餐廳，菜係用熱嘅砂煲上。咁樣令菜更加乾身爽口，亦將馬拉盞香味進一步揮發。最後上嘅係泰式拼盤同炒金粉。啱啱食完啲濃味食物，泰式拼盤嘅青木瓜沙律酸酸甜甜，正好平衡返。而炒金邊粉就味道正常。離座時見到餐廳滿座。所以如果呢間餐食晚巿，都係建議先訂位。