熱狗太太 (T Market頌富市場)

Open Now

Now Closed

天水圍除咗有齊柏林熱狗 熱狗太太嘅熱狗都不容忽視 因為地方就腳啲 所以成日都會食熱狗太太 除咗當塔塔遇上吞拿魚 其他全部都有試過 真係忠實擁躉嚟架我〰️〰️〰️經典醬爆 真係對得住個名 啲醬真係比得超足 個人覺得足過頭 有少少咸 但醬多派嘅人一定會like爆呢款 〰️〰️〰️太太秘制肉醬都係超級足料 一開就係滿滿嘅肉醬 如果要食 真係要擺好個陣 唔係會食到周圍係〰️〰️〰️芝士三重奏 芝士控見到會心心眼 真係落足3重芝士 有cheddor mozzarella pamesan 但如果take away 啲芝士就會硬咗 個人建議即場買即場食 咁就拉到絲啦〰️〰️〰️Oppa泡菜豚肉 個口味好特別 好鐘意佢啲泡菜係無切碎 真係見到一舊舊 所以泡菜味好夠 豚肉方面係一條條中長size嘅薄切豬腩片 一啖食到曬泡菜同豚肉 好滿足〰️〰️〰️英式風情 係近期大愛嘅選擇 因為真係爆多料 又蛋又煙肉 次次食完都飽足全日 熱狗太太嘅包底都有烘過 所以食落外皮脆 入邊就軟 熱狗腸方面就比較普通 份量好夠 但個人認為腸嘅口味比較單一 假如有其他口味 例如芝士 黑椒 咁就照顧到多啲食客口味啦 除咗單嗌熱狗 仲可以跟set 個人就嗌開細薯角