丼瀛 (Closed)

話說呢日同男友喺平日放工前時段去咗一轉松本清掃平貨~ 買完野見差唔多晚餐時間就去咗位於APM後方嘅中海日升中心搵嘢食~見到「丼瀛」店面大大間，啲菜式又幾吸引，就去咗試試佢~ 🧡天龍卷（$98）餐廳招牌推介，擺盤氣勢磅礡，金龍飛天一樣！天龍卷大大份，有三文魚、魚子同炸蝦，好足料！ 🧡三文魚親子爆（$138）三文魚有五大塊，三文魚子鮮甜唔腥，同樣足料，份量十足！ 🧡黑松露海膽帆立貝炒飯（$148）炒飯好大份，飯粒分明，用料有好多帆立貝粒，鮮甜美味！ 🧡蒜蓉燒茄子（$58）原條大大茄子條切開一節節上，蒜泥夠多夠味，茄子夠淋！ 🧡椒鹽燒雞腎（$21）口感爽脆，調味啱啱好！