夏捌月 (Closed)

午餐去咗夏捌月買外賣，午餐都好多選擇，唔我就揀咗呢款馬來椰香咖喱牛肉。成個午餐係成set 咁，有個白湯。湯入面都多料，好多粟米同啲肉粒，同埋白湯真係好「傑」好忌廉，感覺少少heavy，不過起碼唔係味精味，味道唔錯。隨餐有塊包，都脆嘅，蒜蓉味唔算好出，同湯一齊食都唔錯。主角就係呢個馬來椰香咖喱牛肉，飯量唔算多，但個餸就多到爆，有一半以上都係肉，超級足料。咖哩嘅椰香好突出，香料味都重，佢嚿薯仔吸滿咖哩汁，正。成set先50蚊有找，抵食！