韓嘢 (Closed)

放假Netflix 煲韓劇，見到又撩起食韓國嘢個股隱，但自己一個又食唔同咁多。諗起K STUFF韓嘢 #韓嘢 #KSTUFF 入面有好多韓國特式食物，於是去買嚟解下口癮。牛肉紫菜包飯🐂打開包裝望落去就覺得「扎實飽滿」，芝麻香味都幾重，牛肉係用平時個種韓國醬汁煮淋，配料都幾多（魚糕，雞蛋，火腿，醃蘿蔔）口感好豐富，食落好爽好滿足😋！玫瑰韓式炒年糕🌷介紹話係平時食開嘅傳統韓式炒年糕的變化版。醬係用蕃茄🥫忌廉汁調配，溝成玫瑰金顏色，煮住煙韌嘅韓國年糕。辣度🌶有所調低，所以平時食炒年糕覺得太辣可以一試呢個版本。韓式炸雞（甜辣味）🐓因為係外賣嘅關係，避免唔到返到屋企舊雞會有少少淋身。炸粉唔算好厚，不過個甜辣醬都幾出式，酸酸甜甜又帶啲辣，醒胃程度Max ~ 除咗買食嘢之外，鋪頭其實仲有另外一邊零售區（有得買下零食、杯麵同家居用品etc)，等嘢食同時可以去發掘一下😉