利佳舫避風塘 (Closed)

聽朋友介紹，荃灣有一間新開不是很長時間的中菜舖—利佳舫避風塘，注場大廚兼老闆曾參加唔少比賽，最為人知就係參加大廚出馬，當時我都有觀看該節目，想起當時這位林森木師傅雙手炒兩個鑊真係好犀利。於是好開心可以一試大廚手勢，店舖裝潢簡單帶d香港排檔風格，地方雖然不大，卻令人更親近，唔需要好嚴謹。我哋叫咗四個小菜。五福拼盤-別具特色，主打白灼，豬肚，豬脷，魷魚仔，豬粉腸，特別係豬粉腸唔韌，好淋，沒有異味仲帶d豬粉腸香，加上豉油汁好味干鍋福建菜花，菜花炒的時間岩岩好，不會太生或太熟，好有住家菜的感覺但卻好有鑊氣，聞到都好香。乳鴿皮脆肉帶有肉汁，喜歡食乳鴿不防試下。朋友好鍾意食風味炒蜆，雖然不是外面食開大d的品種，但原來細細隻炒蜆都唔錯，肥美得來好鮮，雖然用醬炒，但d醬完全唔會蓋過蜆的鮮味，最重要係粒粒蜆都係沒有沙，可以睇得出大廚在用料上的用心。想食好野的你一定要過來試下