Video
Read full review
2019-07-09
110 views
每個月都會揀一日好好獎勵自己，今晚就到元朗安興街四號嘅《吟》，試一試佢哋嘅鐵板廚師發辦。今晚我哋揀嘅係價值$2080 特選二人餐。店舖面積不大，所有座位均設在鐵板燒Bar枱邊，讓大廚一邊煮，一邊和食客交流，正正體現了Omakase嘅神髓。和式沙律 - 最具特色之處就係食材方面，選用了當時得令嘅蓮莖。今次係我第一次接觸呢種食材，口感爽脆清新，不俗的新嘗試。漬三文魚子配黑松露蒸蛋 - 簡簡單單嘅蒸蛋，最能凸顯黑松露嘅濃郁芳香，添上鹹香嘅漬三文魚子，味道層次更為豐富，不啻是最佳配搭。燴冬瓜配鐵板燒帶子 - 大大粒嘅新鮮帶子已經好吸睛，入口嫩滑得嚟有啲彈牙，配上清甜滋味嘅燴冬瓜，異常美味可口。日本北海道蝦夷鮑配綠茶冷麵 - 蝦夷鮑嘅特點在於鮮味得嚟肉質較為軟身，無需使勁咀嚼。大廚更特別以鮑魚肝炮製醬汁，以之與綠茶冷麵伴食，獨具風味。日本甘鯛魚配南瓜海膽忌廉醬 - 甘鯛魚肉質較為結實，個人最愛大廚以半煎炸的方式，把魚鱗炸得酥脆可口，再配上甜美的南瓜海膽忌廉醬來食，更顯鮮味。單是欣賞大廚在鐵板上有條不紊地把原隻龍蝦剝殼拆骨，已經係視覺嘅享受。龍蝦肉鮮美彈牙，無需添加任何醬料，滋味十足。鵝肝多士 -
店舖面積不大，所有座位均設在鐵板燒Bar枱邊，讓大廚一邊煮，一邊和食客交流，正正體現了Omakase嘅神髓。和式沙律 - 最具特色之處就係食材方面，選用了當時得令嘅蓮莖。今次係我第一次接觸呢種食材，口感爽脆清新，不俗的新嘗試。
漬三文魚子配黑松露蒸蛋 - 簡簡單單嘅蒸蛋，最能凸顯黑松露嘅濃郁芳香，添上鹹香嘅漬三文魚子，味道層次更為豐富，不啻是最佳配搭。燴冬瓜配鐵板燒帶子 - 大大粒嘅新鮮帶子已經好吸睛，入口嫩滑得嚟有啲彈牙，配上清甜滋味嘅燴冬瓜，異常美味可口。
日本北海道蝦夷鮑配綠茶冷麵 - 蝦夷鮑嘅特點在於鮮味得嚟肉質較為軟身，無需使勁咀嚼。大廚更特別以鮑魚肝炮製醬汁，以之與綠茶冷麵伴食，獨具風味。
日本甘鯛魚配南瓜海膽忌廉醬 - 甘鯛魚肉質較為結實，個人最愛大廚以半煎炸的方式，把魚鱗炸得酥脆可口，再配上甜美的南瓜海膽忌廉醬來食，更顯鮮味。
單是欣賞大廚在鐵板上有條不紊地把原隻龍蝦剝殼拆骨，已經係視覺嘅享受。龍蝦肉鮮美彈牙，無需添加任何醬料，滋味十足。
鵝肝多士 - 鵝肝入口即化，以微酸嘅蘋果醋伴食，隨後再吃一口冰陣菠蘿，口感豐腴，肥而不膩；雖是小小一件，已令人十分滿足。
焦糖多士 - 以最簡單嘅食材 ：方包、牛油及白糖，搖身一變為美味可口嘅小食，盡顯廚師嘅心思同手藝。
A4日本和牛 - 牛味濃郁，肉香四溢，以少許岩鹽和黑椒伴食，無以尚之。
鱲魚湯 - 除了鱲魚外，還添加了先前鐵板燒所用的龍蝦殼熬製，味道之鮮，可想而知。
櫻花蝦和牛炒飯 - 粒粒分明，食落夠乾身，夠鑊氣，啖啖好滋味。炒雜菜 - 鮮脆可口。
最後以一小球抹茶雪糕，為這頓完美的盛宴，畫上圓滿的句號。今晚為我發辦係一名年輕的美女師傅，看似年紀輕輕，但掌控火候已有相常功力，邊煮邊為我講解每道菜式嘅特色之處。而店中嘅服務員，無論在奉菜、斟茶、換碟等服務上亦配合得恰到好處。以今時今日來説，呢種細心體貼嘅優質服務，相當難得，值得一讚。
這裡還提供包場服務，可以約埋十來個親朋好友或與公司同事到此舉行小型派對，相信也是一個不俗的選擇。
Post
