Video
Read full review
2019-01-12
135 views
聖誕佳節期間心情係特別容易放縱，食完又食，特別係甜品更加係不能拒絕。所以今日去咗尖沙咀嘅呢間甜品鋪大吃特吃。兩個人分別各自叫咗兩款甜品，所以總共有四款：心太軟、焦糖燉蛋、窩夫伴雪糕、朱古力芭菲！另外見可能會太甜而口渴，我認為叫一壺茉莉花茶係最適合不過，除咗可以暖暖胃，又可以中和下口裡面嘅甜味，一壺夠兩個人飲，飲完仲可以Re-fill，十分推薦。最先到嘅甜品係絲絲入心嘅心太軟，需要大讚一下的確係製作得唔錯，用叉切開朱古力蛋糕時，質感外層帶脆但入口鬆化味道香濃，加上流心嘅黑朱古力漿，整體又唔會甜得過份，再配上一啖冰凍嘅雪糕，實在令人非常滿足！可以話係最近食過嘅心太軟之中，論口感至味道做到最好嘅一間。但唯一美中不足係個擺碟太花巧，餅乾牢牢痴住係杯面，除咗食唔到塊餅之餘，流心朱古力快速流入杯內，用叉潷起杯內嘅雪糕都係十分狼狽，有點弄巧成拙。其次焦糖燉蛋都相當不俗，即叫即燒，香脆嘅焦糖糖衣，配上軟滑嘅燉蛋，面頭一少撮雲尼拿奶油，整體十分溫和。蛋味香濃而甜度適中，多食都唔覺漏，真係百吃不厭。接住嘅魔鬼朱古力芭菲，可以話係猶如其名，賣相非常甜美，但糖量真係超級邪惡。皆因芭菲裡面除咗有朱古力蛋糕、朱古
最先到嘅甜品係絲絲入心嘅心太軟，需要大讚一下的確係製作得唔錯，用叉切開朱古力蛋糕時，質感外層帶脆但入口鬆化味道香濃，加上流心嘅黑朱古力漿，整體又唔會甜得過份，再配上一啖冰凍嘅雪糕，實在令人非常滿足！可以話係最近食過嘅心太軟之中，論口感至味道做到最好嘅一間。但唯一美中不足係個擺碟太花巧，餅乾牢牢痴住係杯面，除咗食唔到塊餅之餘，流心朱古力快速流入杯內，用叉潷起杯內嘅雪糕都係十分狼狽，有點弄巧成拙。
其次焦糖燉蛋都相當不俗，即叫即燒，香脆嘅焦糖糖衣，配上軟滑嘅燉蛋，面頭一少撮雲尼拿奶油，整體十分溫和。蛋味香濃而甜度適中，多食都唔覺漏，真係百吃不厭。
接住嘅魔鬼朱古力芭菲，可以話係猶如其名，賣相非常甜美，但糖量真係超級邪惡。皆因芭菲裡面除咗有朱古力蛋糕、朱古力可可米、麥堤莎、朱古力雪糕、雲尼拿軟雪糕、阿華田布甸，仲有好多朱古力漿。雖然魔鬼，但芭菲往往擁有一份魔力，令人忍唔住要柯打一試。當然味道係以上你能想像得到嘅零食味道大集結，但我認為背後真正嚐到嘅係完滿咗兒時對芭菲憧憬想一試嘅成就，以及獲得過份甜度嘅滿足感。
最後一款，香蕉金莎朱古力窩夫伴雪糕，呢款甜品都令我極為深刻，不單只係佢嘅尺寸大份量多，窩夫本身口感做到外脆內軟，食入口感到意外，又做得幾好。若只有朱古力醬實在太單調，因此香蕉、榛子、雪糕等等配料，令到成件事更多樣化。香蕉果香，榛子口感，凍雪糕帶來嘅溫度變化。整體味道到廚勢手勢，都非常唔錯，會想再安哥嘅甜品。
總結，店內甜品整體唔算太大份，但兩個人食四款甜品確實係有點多，我諗大概三款應該剛剛好。至於甜品味道方面，整體幾款都不錯，頗有水準，因此呢間位於尖沙咀嘅甜品店絕對值得一試！
Post
