大同韓燒 (Closed)

好多年冇係香港食過韓燒，呢幾年多數都係食日式燒烤同埋放題今日就提議去食韓燒，上網做過下功課，見大同韓燒有三文魚刺身任食，岩哂我男朋友，價錢又唔貴，咁就book左夜晚7點黎食我地遲左10分鐘先到，但d叔叔同姨姨都冇比面色我地睇，非常熱情同友善，之後問我地要對住坐定一齊坐，仲幫我移埋餐具！一坐低就幫我地開爐，仲提我地要燒左d多脂肪既肉先！個爐上面鋪張牛油紙除左衛生d仲可以防痴底，呢點真係值得一讚我地燒野食既同時，就拎左d熟食邊食邊等，試下三文魚刺身，火炙三文魚壽司，蟹柳玉子燒同菜三文魚好新鮮，好肥美，想要多d可以叫哥哥切多d壽司不過不失，略嫌三文魚燒得唔夠香，有少少腥玉子燒好食，甜甜地，又唔係太實，有蛋味菜有菠菜同白菜，兩款都麻麻地，太重麻油味肉類款式算係齊全，有齊豬牛羊雞，各款蔬菜，海鮮有青口、魷魚、多春魚同帶子（冇影海鮮同菜）推介：魷魚鬚，雞腎，豬頸肉，燒汁牛肉，金針菇冇咩點食熟食，但睇落都唔錯，選擇都ok多甜品：芒果布甸，奶茶奶凍，雪糕，雪米糍。同飲品（酒類額外收費）總括黎講，大同韓燒既服務好好，食物質素都算高，起碼全部都算新鮮，價錢適中