大同韓燒 (Closed)

陪老媽子去大角咀大同新邨探舅父，之後佢帶我地去佢屋企附近一間大同韓燒食自助餐，話地方和座位好寛闊；環境幽靜，食物乾淨同好味，需然係韓燒但一啲煙都無，一於要去見識下啦！佔有幾個鋪位闊;入到去感覺舒適，燈光柔和同佈置簡單，最特別係燒烤爐吸煙管係藏喺地下；油煙簡直全絶跡。飲品櫃有多種飲料可隨意飲用; (有酒精飲品除外)另有多瓶自家製嘅梅酒。沙津生菜夠新鮮。有濃郁中、西湯和滋潤糖水。最開心係有我自愛嘅三文魚，肥美鮮甜。生食物有帶子、鯖魚、各種肉類同瓜菜類，數之不盡。各種肉類都醃得入味，人口淋嫩。熟食琳琅滿目;有大豆芽菜、菠菜、秘製鳳爪、海帶、豆卜、薯仔和螺肉等等。師傅夠細心將橙同菠蘿已去皮;切好方便入口。飯後甜品有芒果同奶茶布甸。呢餐的確係好豐富，仲食完全身都冇油煙味👏🏻。