Video
Read full review
2019-04-16
182 views
上次入黎元朗之後女朋友一直心思思想再黎玩多次，既然咁就順下佢意再黎元朗覓食。特登上網搜尋咗呢間隱世料理店，俾個驚喜佢之餘又順道慶祝我自己嘅生日。白子。當造嘅白子飽滿又大舊。奶香幼滑質感配上酸汁醬油，好好食。南瓜豆腐。以為會好重南瓜嘅蔬菜味，但食落溫和反而突出木魚湯汁嘅咸香。凱撒波菜沙律。藍芝士唔係咁多人接受到，覺得佢有陣咸魚味。但可惜遇上我地兩個芝士怪，只有更鐘意，哈哈。少少藍芝士已經好夠味。因為只係前菜所以唔有太多，刺激味道令人更開胃。刺身拼盤七點。芝麻瑩光魷魚。因為當造所以粒柆都好多膏，食落香滑彈牙，唔錯。真鯛／竹籤魚。口感軟腍腍配上柚子酸汁，味道幾清新。而竹籤魚皮十分爽脆，不用沾醬油都好好食。鱈魚／鰤魚。厚厚一片入口油香豐腴有咬勁，食得出佢地魚油比例好重，同樣十分肥美鮮甜。用上柚子胡椒可以輕輕降低油膩感，迎接跟住落黎嘅菜式。汁煮金目鯛。平時都係食灼燙刺身多，但用上茄子洋蔥燉煮又有另一番風味喎。因為茄子及洋蔥散發嘅甘甜令結實魚肉軟化及入味，所以食落唔膩，個汁覺得可以用黎餸飯都一流。鹿兒島A4和牛天婦羅。肉眼部位炸得五成熟，內裡夾咗紫蘇葉令到牛肉食落唔油膩。入口外脆內軟嘅口感加上又多
白子。當造嘅白子飽滿又大舊。奶香幼滑質感配上酸汁醬油，好好食。
南瓜豆腐。以為會好重南瓜嘅蔬菜味，但食落溫和反而突出木魚湯汁嘅咸香。
凱撒波菜沙律。藍芝士唔係咁多人接受到，覺得佢有陣咸魚味。但可惜遇上我地兩個芝士怪，只有更鐘意，哈哈。少少藍芝士已經好夠味。因為只係前菜所以唔有太多，刺激味道令人更開胃。
刺身拼盤七點。
芝麻瑩光魷魚。因為當造所以粒柆都好多膏，食落香滑彈牙，唔錯。
真鯛／竹籤魚。口感軟腍腍配上柚子酸汁，味道幾清新。而竹籤魚皮十分爽脆，不用沾醬油都好好食。
鱈魚／鰤魚。厚厚一片入口油香豐腴有咬勁，食得出佢地魚油比例好重，同樣十分肥美鮮甜。用上柚子胡椒可以輕輕降低油膩感，迎接跟住落黎嘅菜式。
汁煮金目鯛。平時都係食灼燙刺身多，但用上茄子洋蔥燉煮又有另一番風味喎。因為茄子及洋蔥散發嘅甘甜令結實魚肉軟化及入味，所以食落唔膩，個汁覺得可以用黎餸飯都一流。
鹿兒島A4和牛天婦羅。肉眼部位炸得五成熟，內裡夾咗紫蘇葉令到牛肉食落唔油膩。入口外脆內軟嘅口感加上又多肉汁，真係覺得全套菜式黎講最精彩非佢莫屬。配菜嘅椒鹽蓮藊都幾好，令牛肉味道更豐富。
蝦夷鮑魚配上肝醬。蒸煮方法令味道濃縮入去。好多時出面食嘅鮑魚都唔會用上肝臟怕佢太寒太苦，但美食當前又點忍到口。反而覺得無咗肝醬會令鮑魚失色不少。因為兩樣配搭先令味道更濃郁，更能品嚐鮑魚嘅鮮味。
師傅見我地咁惜食，仲俾個飯團我地食埋剩低嘅肝醬，咪做大嘥鬼。
太刀魚。同我地識知嘅牙帶魚差不多，肉質幾結實，而且肉色白雪雪好靚。剝皮魚／針魚。用薑蔥／蘿蔔茸等濃味蔬菜配襯嘅針魚，魚肉鮮味愈咬甜味愈出。而剝皮魚配上魚肝凍食，咸香味道一反之前各款嘅印象，鮮濃混和令人一試難忘。
春魚／白飯魚軍艦。白飯魚用上昆布岩鹽隔水蒸熟，所以魚身keep住飽滿。咸咸香香嘅味道有別於中式嘅魚乾味。而春魚用上名荷(薑花蕾)黎調味，引出魚肉嘅甘香。北寄貝壽司。鮮甜味係食完幾道白肉魚後更覺明顯，爽實貝肉令人回味。
拖羅前額／大拖羅。罕有嘅前額肉先以火炙帶出焦香，再抺走多餘油分減低油膩。筋位燒得焦香成塊入口味道又香又鮮。而一向都係主角嘅大拖羅亦恰如其份，魚肉用上紫蘇／大蔥配搭，油香四溢之餘又不失清爽。
文甲清湯。蜆肉飽滿甘甜，令到清湯入口鮮甜又暖心。配上鰻魚汁煮味道更多層次。
留意到師傅運用壽司飯時由濃到淡，初初使用白醋到後期幾款就轉咗用赤醋。問返師傅就話每款魚嘅味道都有唔同變化，做多少少就可以俾客人更佳嘅用餐享受。所以自家製子薑同樣好味，酸甜均衡，簡單嘅一款配菜都無忽略呢啲細節位都俾心機去做，認真有誠意。
海膽三食。都係用上頂級嘅北海道／小川馬糞海膽，配紫菜／紫蘇芽平衡海水咸味。軟綿綿嘅甘甜及青瓜絲爽脆，絕妙嘅配搭。師傅話會根據當造時節，唔同地方嘅出產又劃分為羽立／紫針，再購貨運港，所以先可以一年四季都品嚐到鮮美嘅海膽。
最後甜品都幾有驚喜。自家芝士蛋糕做得幾滑，配上長崎士多啤梨微酸混和，為今餐劃上完滿句點。有時要食好野，真係要花啲時間同心機搵出黎。不過最緊要都係有人願意不辭勞苦一齊上山下海周圍覓食。哈哈。
Post
