粵軒

Open Now

Now Closed

今日同幾個朋友諗住北上🚃食好嘢，點知有個朋友話（大圍）有間粵菜啲嘢幾好食😁就決定留港消費支持1吓（香港小店）👏👏👏個朋友果然冇介紹錯👍🏻佢哋啲點心真係有驚喜，最出色就係個「蝦腸」🦐每隻蝦仲大過隻5蚊銀🪙，啲蝦非常之爽口🍤。「山竹牛肉」啲牛肉.好新鮮.好鬆軟.好有牛肉味，個夥計聽到我哋講嘢，仲話啲牛肉係每日新鮮打架，個樣叻叻咁樣😤。幾個朋友一致肯定全餐MVP 1定係「咖喱魷魚」，咖喱魷魚每件都好厚，咖喱味好濃，最特別係碗底竟然有烏冬，如果再多啲烏冬就勁正啦。「豉椒牛肉炒麵」啲麵勁脆食到最後都好脆，牛肉一樣係好新鮮，正👍🏻「黑椒牛仔骨」就非常之惹味，味道啱啱好，唔係好鹹，全餐最普通就係「排骨陳村粉」啲排骨味道冇問題，陳村粉因用隻碗太細豉油都放唔落👎「鹹魚肉餅飯」啲飯粒粒分明，啲肉餅夠鬆軟，啲肉味都好燶，講真呢間舖頭啲牛肉同豬肉質素非常之高。最後仲食埋個甜品「焦糖燉蛋」🍮講真，真係好好食👍🏻蛋味非常之濃，仲好食過專門整甜品嘅舖頭。