Video
Read full review
2020-04-14
735 views
此石燒店想試好耐架喇，適逢賣甩左個囡，同老公即刻黎試一試，由於驚假期會多人，開門時間係1點，我大概1點鬆啲就到左，我去到已經有一枱客坐低左，好在早啲黎，因為陸陸續續就愈黎愈多人喇，所以假期黎大圍食野一定要早啲出門😏由於疫情關係，入座前都要先量體溫，同埋每張枱都隔得好遠，所以大家都食得安心。由於lunch嘅關係，直接order就可以喇，我印象中，都有大概8-9款套餐選擇，而價錢都係100蚊之內，套餐包括主菜，沙津，餐湯，飯。除左主菜，其他都係自助形式，無限派加，不過疫情關係，建議大家出去取食物時，都戴上口罩😷，咁大家就更加食得安心喇，整體店舖都好簡約整潔，所以都感覺舒服嘅。話咁快，我連湯都未飲，沙津都食完，牛扒已經黎到喇，先係老公之選：石燒西冷然後就到 me 之選：石燒肉眼唔好講笑，塊扒黎到真係令到我有少少措手不及，本人中意食3成熟嘅，係我完全未ready之下，我睇住塊扒係塊石上面慢慢咁熟，所以我建議大家要ready多一隻碟，可以將塊扒放係隻碟度，然後先慢慢煎塊扒，咁就可以控制自己想要幾成熟喇，我已經求其咁將塊扒放係個飯上面先架喇，但都已經救唔切喇，我同我老公唔駛食到最後，塊扒已經wel
由於疫情關係，入座前都要先量體溫，同埋每張枱都隔得好遠，所以大家都食得安心。由於lunch嘅關係，直接order就可以喇，我印象中，都有大概8-9款套餐選擇，而價錢都係100蚊之內，套餐包括主菜，沙津，餐湯，飯。除左主菜，其他都係自助形式，無限派加，不過疫情關係，建議大家出去取食物時，都戴上口罩😷，咁大家就更加食得安心喇，整體店舖都好簡約整潔，所以都感覺舒服嘅。
話咁快，我連湯都未飲，沙津都食完，牛扒已經黎到喇，先係老公之選：石燒西冷
然後就到 me 之選：石燒肉眼
唔好講笑，塊扒黎到真係令到我有少少措手不及，本人中意食3成熟嘅，係我完全未ready之下，我睇住塊扒係塊石上面慢慢咁熟，所以我建議大家要ready多一隻碟，可以將塊扒放係隻碟度，然後先慢慢煎塊扒，咁就可以控制自己想要幾成熟喇，我已經求其咁將塊扒放係個飯上面先架喇，但都已經救唔切喇，我同我老公唔駛食到最後，塊扒已經well done左喇😭 。
論味道，當然以哩個價錢，唔會食到和牛咁嘅級數啦，但如果你想食肉味重的話，我會建議西冷。同埋，我覺得晚市嘅選擇同質素應該會更多更好的，所以下次有機會我會再試下晚市。
Post
