Grill'er 石燒扒專門店 (Closed)

我本身好鐘意食牛扒嘅餐廳，但係一般出邊高級嘅餐廳都會比較貴。喺大圍比我發現到呢一間平民價錢嘅牛扒鋪，一般舖頭號上次就係門口會有一部販賣機，喺門口先用販賣機買票再入去裏面坐。但係由於舖頭門口販賣機壞咗咁就有直接入到舖頭內店員幫你落單。咁我直接揀咗肉眼扒，因為我覺得比較肉質厚，而且佢舖頭沙律、白飯、湯都係無限任食。對於胃口比較大嘅人來講都係一種恩物。牛扒會係一個熱嘅鐵板一齊拎過嚟，我木漆牛扒應該係會三成熟，因為要比客人喺熱板慢慢煮，肉眼扒肉質唔錯，牛味亦都好好。

之前帶小動物睇醫生都冇留意附近原來有間日式鋸扒，放假有機會當然要去試試。午市menu非常抵食，而且肉嘅種類好多。同桌就鎖定安格斯封門柳，聽講唔係好多地方有得食。本來兩塊封門柳會有特價，但我又想試牛肩胛，所以最後叫兩款肉。午市有得任食白飯、沙律同羅宋湯。珍珠米煮得好冧，仲可以自助加飯素。沙律菜偏硬身，中段員工有加粟米，令沙律口感豐富。羅宋湯酸酸甜甜，食肉之前飲吓幾開胃。聽講封門柳嘅肉味會比較濃郁，先咬一啖，果然肉味十足，上菜個陣仲係一成熟，慢慢用熱石加熱，控制到舊肉唔會太熟，橫切面仲非常靚。不過因為要專心控制熟度，所以冇影太多相。牛肩胛就比較軟屬，容易咬開。同樣一上菜個陣都係好靚嘅一成熟，切開後都易控制。牛肩胛牛味都好夠，唔使特別點好多醬汁。員工仲非常友善，會詢問吓我地覺得啲肉點。呢次真係幾滿意，之後都應該會回頭！

爸爸話想鋸扒我同妹子就諗起大圍好似開咗一間日式嘅扒碟卒之就帶咗佢哋嚟啦老老實實奉勸大家一句食呢間嘢真係冇影咁多相我哋掛住影相得嚟，啲嘢又燒過龍😂搞到overcooke😂其實嗰啲肉好新鮮好有肉味不過就要自己燒自己控制但係我哋覺得都好抵食Set lunch仲包咗任攞嘅沙律同埋湯仲有包一罐汽水性價比極高咁其實佢哋嘅餐廳容納都唔係好多人所以食物係非常OK，但係就坐得唔係太舒服不過佢哋唔係以舒適環境作為賣點係以抵食好味吸引人，我覺得個牛小排係最好食

大圍火車站出面一帶，餐廳可以話多不勝數，唔同國家唔同款式都有咁滯。揸車人士應該都幾鍾意係呢附近食嘢，因為門口可以泊到車。今次呢間石燒牛扒離火車站有少少距離，門面唔太大，坐位大約只有20個左右。用餐前係需要係門口自助售票機買左票先，機上面有寫明唔同部位既肉既價錢，有200g 同300g簡。購票之後交比店員就可以了。每個餐都包左沙律，白飯同湯，以上都可以任添既。石板好熱，切開後跟個人生熟口味煎煮就可以，但建議唔好煎咁耐，我哋一行三人都煎過咗龍，熟得滯。肉質就直接係價錢上反映左，豐儉由人啦。

今日去大圍試吓食呢間石板燒，一試就伏左點左一份200g 既澳洲肉眼，仲要係推介。點知肉又鞋，1/3 都係跟，完全食唔到。其實食過好多間石板燒，從未試過有一間有咁多跟，而且又好鞋。另一份係封門柳一食，嘩⋯⋯咩事⋯⋯好鞋未試過食一份咁鞋既封門柳，入得去食石板燒，對佢既牛肉都會有少少期望，估唔到專做燒肉既食肆，舊肉既質素咁樣，同期望有好大落差，好失望，其他食物水平正常，有飯有湯有沙律，好可惜主角⋯⋯唉⋯⋯冇下次

2️⃣好似buffet咁，自己拎白飯、沙律、羅宋湯 （不得不讚既係個湯真係好濃好足料，我每次都要飲兩碗）3️⃣自取餐具、調味料今日點左個「美國安格斯封門樓300g」，優惠時段可享$285買一送一，係咪好抵食呢？價錢已包括左飯、沙律、羅宋湯自助任食及飲品兩款。📌第一次食呢個部位既牛排。佢係牛橫隔膜肌肉，每隻牛只有一條，較為罕有。肉味香濃、但油花較少、口感較腍。就咁食左幾片，個人覺得有d悶。最後將佢切片配飯食、好正好好味呀。📌石燒扒店越開越多，廚藝上唔需要咩技巧，最緊要都係有靚扒供應。呢間個人覺得性價比幾高呀。

朋友介紹一直想試，今日終於有機會去食。位置有少少隱蔽，但大圍火車站一出10分鐘內亦都會找到。叫了一個200克的黑毛豬，白飯沙律和羅宋湯是任吃的，餐具各樣都是自助。每樣都想嘗試，所以羅宋湯和沙律也盛了一碗。也拿了岩鹽，和燒肉汁準備好吃鐵板燒黑毛豬。鐵板到達了之後，很厚實的黑毛豬是自己切和處理，但是肥美的黑毛豬非常多油彈出來，開始的時候比較難切。 羅宋湯非常足料，可以吃到很多蔬菜和牛尾。整體覺得下次可以再試其他肉類，我覺得男生和女生也可以食到飽飽，價錢也很合理。

第二次來堂食，上次係晚餐，今次係午餐午市係經濟d模式差不多，除石燒（主菜）外，雜菜湯，白飯，沙律全部自助醬汁，沙律🥗汁也是自助睇一睇餐牌，原來到晚上六點食下午茶同埋提早食晚餐可以考慮下板式日燒鰻魚鰻魚一早已熟，燒過後變得脆邊😋份量偏細紅酒🍷燴牛肋條有大大舊，四件左右夠稔，還不錯雜菜湯，沒有辣味茄汁濃濃白飯上的飯素可以隨意加上⭕️全店職員戴上口罩 ⭕️進店前量度體溫 ⭕️提供酒精搓手液 店內面積細，位與位之間幾接近

是次用的是熊貓外賣速遞石燒堂食試過，肉質不賴今次見買滿$100有八折，就試下石燒外賣和堂食一樣，以套餐形式我地點左兩個餐每個餐，可選不同肉類，已包白飯，沙律菜和飲品或羅宋湯兩個餐就係咁多野白飯和沙律菜放埋一格沙律菜係椰菜絲，紅蘿蔔🥕絲加醬汁和白飯放一起，相配的。飯素可以多多多d, 或者另上更佳😊湯是雜菜湯，健康的，清清地不錯不會是濃味。肉類，點了澳洲肉眼和牛板鍵因沒有列明那個是肉眼推斷，上面是牛皮鍵，下面是肉眼首先要讚一讚個肉類醬汁真係要食過先知，就係夾的味道！肉眼里面帶粉紅，剛好熟的稔，好味😋牛板鍵就有少許咬口，過了火。整體值得食！絕對會再食的。 這個價錢的肉眼，不得了。在家食，記得✅不需要一次性餐具

本身打算去大圍食果間 616 日本燒肉，不過我地又冇訂位去到己經話 Full 哂，結果錯有錯著，比我哋搵到呢間隱世日式扒房。環境：老實講，呢度環境一般，坐得唔算舒服，不過呢度係自助形式，自己搵位、自己係外面部售賣機買野食，感覺都幾特別！食物：食物選擇都算多，全部都係外面部自動售賣機買，不過注意只收現金，食就帶定足夠嘅紙幣去喇！仲有仲有，呢度所有扒都可以跟飯、羅宋湯同埋沙律，仲要係無限任添，飯係珍珠米，羅宋湯都足料，而沙律就係沙律菜票米等，仲可以自己加醬，味道都唔錯！美國頂級牛肩胛(200g)：肉質幾嫩滑，起初食落唔會太韌，不過個人認為牛味欠奉，冇乜牛肉味，但整體感覺都算可以。不過大家要注意，由於用石板嘅關係，熱力係會不停影響肉嘅口感，所以真係要快啲食，唔係食到最後就會好韌架喇！西班牙黑毛豬鞍(200g)：豬鞍份量比想像中大，而且食落唔會好韌，少少肥皂令到肉質更加香，更吸引！送飯食簡直一流！

大圍越來越多新店！特色的，日系的，hea的，好多選擇平日放工，七點來到，好彩未有人喎！店細細的，座位間比較緊密日燒快餐，自己買飛，近乎自助🙂️先在門口買飛若同款的，選下方的綠色2份，3份進店搵位，交單俾職員建議坐四人枱，不要坐單邊枱，單邊枱枱面太窄留意注意⚠️肉在石上送到枱時，為一成熟要幾熟，食客自己決定，自己處理⚠️切勿把電話放枱上，後果自負！由於牛，羊等肉類可以生食，比較好燒就算未熟晒食左，都唔怕！豬肉就要小心，要全熟才好食啊！燒豬肉要小心，因油份太多，會彈油的，小心件衫呀！沙律🥗，醬汁，餐湯全自助等上石燒前，可自行調醬........豬鞍大大份的要全熟才進食豬多油，小心彈到半肥瘦的，稔的，很不錯蝦不會是新鮮的，一試無妨。食牛食羊較好，非全熟也可以進食牛肉性價比很高本來我地兩份都係牛可惜無貨，所以轉了黑毛豬豬⭕️提供酒精搓手液⭕️進店前量度體溫

放假 就去左大圍食野下就兩點去到 人五算太多 五洗等去到門口有餐點販賣機 不過部機無開 所以進內點餐 每張枱都有木板間隔 地方乾淨 第一次去 等主菜送到先知原來餐具、飯、湯、沙律 全部都是自助 而且是無限添加所以五好掛住玩手機 。上菜之前，自己要準備好餐具 、湯、飯、醬和沙津。記得飲下好足料既羅宋湯白飯是珍珠米 口感幾好石燒6安士 澳洲肉眼石燒板用火燒石製成，熱力非常高。上菜的時候得一成熟，放得愈耐就愈熟，有時要反轉個扒，如果五係就得一邊熟灑，所以食的時候準備多一個碗裝。有喜瑪拉亞山鹽同各種醬汁，可以跟自己口味選擇。 總括性價比高。

係大圍附近行下行下見倒間好得意嘅餐廳，佢門口擺放左一部售賣餐卷機，心諗甘似去咗日本D自助拉麵店甘，我企左門口當我仲研究緊點樣買餐之際，有位好有禮貌嘅姐姐出黎同我地講解下點樣搞，佢仲好樂意甘介紹吾同類別嘅食物種類比我地知！300克安格斯肉眼扒，真係幾足份量，燒嗰時自己又可以依番自己的喜好來控制幾多成熟，好岩食肉獸一族！😜對自己好D，叫左份鮑魚海鮮餐，有兩隻虎蝦、兩只新鮮鮑魚、兩只新鮮帶子，睇住D海鮮慢慢熟，真係好正另外佢有不同的醬汁任均選擇（燒汁、黑椒汁、蒜蓉汁、千島醬、芥末醬等）👍仲設有一個無限添食的bar枱，有是日餐湯、白飯、紫菜粉、沙津......食到棒住個肚走都係二百零蚊，抵食🥰

今次同朋友喺晏晝三點幾去經過 咁啱見到仲有午市喎我地就分別嗌左 肉眼同牛板鍵 而湯 沙律同白飯都係任食肉眼 好普通 無牛味 唔推薦大家食反而 牛板鍵令我覺得好有驚喜 因為我係第一次食呢個部位 牛味十分之重同香👍🏻自助吧都有唔同醬汁 燒肉汁好出色 因為肉眼無咩味 配埋呢個汁送飯會比較好🤪另外自助吧既羅宋湯超級正 正到我唔覺意飲左5碗🤤個湯好夠味又超級多料 好多蔬菜同埋有少少肉 勁濃郁！！店員服務都好好 好熱情同友善！整體黎講 性價比都ok！👍🏻

住喺大圍嘅我哋，發現咗新開嘅石燒扒專門店！趁放假即刻要去試吓！個餐已經包括左湯、沙律、白飯放題！羅宋湯好夠味～沙律好新鮮！芝麻汁好夠味好香！珍珠米白飯都好正～仔仔添左兩碗飯啊～本身見到人哋啲相有飯素，原來晚餐先有供應～我哋嚟食午餐，好抵食呀！石燒肉眼，$78呢個價錢有呢個質素真係唔錯！肉質ok！老公食到好滿足～石燒鰻魚$58鰻魚肉好嫩～少骨～幾好食！石燒好熱㗎！有小朋友要小心～座位有間隔膠～我哋1:00左右已經滿坐～座位唔算多～晚餐時段可能要等一陣～午餐都幾抵食！$48起！飯湯沙律任食～就係油站附近，維修車店隔離～仲有做外賣㗎！入面嘅ee對小朋友好親切～員工有禮貌！小朋友食得好開心！會再幫襯～