川味雞烤魚大王 (隆亨商場) (Closed)

朋友好鐘意食烤魚，今日我地去朋友屋企附近的「川味雞」食烤魚餐廳主打烤魚、雞煲、火鍋，另外亦都有川味小食，好多選擇。烤魚味道有4款選擇：重慶麻辣烤魚、泡椒烤魚、剁椒烤魚、酸菜烤魚。我地簡左酸菜烤魚。一上枱，勁香酸菜味，烤魚用上原條魽魚，好大條，上面鋪滿了酸菜、芫茜，豆腐、娃娃菜、未食已經香氣撲鼻，魽魚經過調味，夠入味，魚肉最緊要冇咩骨，得一條大骨，夠厚身，啖啖肉，而且沒有腥味。食完烤魚我地叫左D火鍋配料特級雪花肥牛（大）、鮮鵝腸、牛根丸，鮮鵝腸有驚喜，好爽口，而牛根丸，牛味濃，有肉汁，食完都已經好飽。同朋友食烤魚，當然要飲返支啤酒啤啤佢。