新派韓食館 (Closed)

商場附近開左間韓國菜，一直想吃試，最近無胃口，於是約埋阿妹一齊吃韓國菜，刺激味蕾，又可以感受韓國風！這間韓國餐廳的裝修可謂夠晒前衛，牆上的壁畫是美式漫畫公仔，不同的格仔梳化Crossover ，配理D Cyber Feel Color膠椅，好有新舊交融的感覺。我地望到隔離靚女韓國侍應即刻在客人面前炒韓式炒飯，好香下，本想一試，但阿妹唔鍾炒飯，於是點了泡菜湯，都幾辣下，有豆腐、芽菜，辣味由喉嚨湧上，越喝越過癮。大家都點了菠蘿冰，因為原個菠蘿上，好吸引，沙冰入面有濃的菠蘿味道，好正！但58蚊有點貴！清河醉雞翼，有少少酒味，但雞翼好嫩滑，有少少點，唔肥膩。火山脆皮豆腐，我覺得好似中菜的咕嚕豆腐，食落都好似，外皮炸脆加上芝麻香，淋上個酸甜汁，好開胃，豆腐內面嫩滑。心想：我同阿妹好似去左韓國，如果有個似金秀賢靚仔服侍就更Perfect。